Sestaoko Udalak lanak adjudikatu ditu Gran Víaren atzeko aldean dauden eraikinetako saneamendu-hodietan jarduteko, zehazki, 72. eta 90. zenbakien artean. Esku-hartzea Construcciones Promoelka enpresari adjudikatu zaio 43.896,93 euroren truke, BEZa barne.

Jarduketaren helburua da oinezkoen eremuan, jendeak Urbinagako Metro geltokira joateko erabiltzen duen gunean, eraikinetatik materialak erortzeko balizko arriskua kentzea.

Udal-txosten teknikoen arabera, hamar zorrotenak bere egunean adreiluzko eta morterozko egiturekin estali ziren, eta kolektore orokorrari konektatu zitzaizkion fatxadaren oinean. Hegalean lurrak mugitu dira, eta kolektorea estaltzen duen egitura tokiz aldatu da eta, horrekin batera, zorrotenen estaldura bertikalak ere mugitu dira.

Egoera hori dela eta, Udal Zerbitzu Teknikoek eraginpeko eremua behin-behinekoz ixtea erabaki zuten udaberrian prebentziozko neurri gisa.

Adjudikatu den soluzioak aurrez ikusten du oraingo adreiluzko estaldurak eraistea, materialak kentzea eta errematatzeko gutxi gorabehera 59 metro xafla galbanizatu jartzea. Estaldura berriak fatxadei ainguratuko zaizkie, eta kolektoreari konektatuko zaizkio kutxatilei esker.

​“Agian, jarduketa batzuk ez dira ikusgaienak, baina funtsezkoak dira Sestao egunero zaintzeko”, azpimarratu du Gorka Álvarez alkateak. “Txosten teknikoek pertsonen segurtasunari eragin diezaioketen egoera bat identifikatzen dutenean, Udalak zuhurtziaz erantzun behar du, konponbide egokia hartu behar du eta baliabide publikoak zainduz egin behar du. Espero dugu eremu horrek laster normaltasuna berreskuratzea eta berriz erabili ahal izatea Metroko geltokira jaisteko”, gaineratu du.