Hondartzako boleiboleko eta eskubaloiko denboraldia hastear direnez, Sestaoko Udalak 19.000 euroko inbertsioa egingo du Galindoko hondarrezko zelaia prest jartzeko.

Hainbat hobekuntza-ekintza egingo dira zelaia kirola egiteko egoera ezin hobean uzteko.

Lehenik eta behin, zelaiko harea garbitu eta bahetzeko prozesu bat egingo da, neguan metatu ahal izan duen zikinkeria guztia kentzeko. Ondoren, prozesu hori osatzeko, beste harea-geruza bat aplikatuko da.

Era berean, landaren itxitura konpondu egingo da kalteak antzeman diren lekuetan. Gainera, modulu aurrefabrikatu bat instalatuko da boleibol- eta eskubaloi-klubek beren kirol-materiala gorde ahal izan dezaten; eta horretarako, aldez aurretik, modulu aurrefabrikatuari eutsiko dion hormigoizko zolata bat ere egin beharko da.

​Hareazko zelaiko hobekuntzak amaitzeko, eskubaloian jokatzeko bi ate berri erosiko dira.