Turismo Bulegoak hamar bisita gidatu antolatuko ditu Aste Santuan zehar Sestaoko historia ezagutarazteko.

Ekimen honen bitartez, Turismo Bulegoak oporraldiaz gozatzeko plan bat eskaini nahi die egun hauek Bizkaian igaroko dituzten pertsona guztiei, gure lurraldea ezagutzera etorri direlako edo atseden bat hartzeko kanpora atera ez direlako.

Bisita gidatu horiek apirilaren 17a, osteguna, eta 21a, astelehena, bitartean egingo dira, 10:30ean eta 12:30ean. Guztira 25 plaza izango dira bakoitzean. Horietatik zortzi gaztelaniaz izango dira eta bi euskaraz.

Bisita gidatuetako batek Langileen Ibilbidea ezagutarazten jarraituko du, Sestaoko iragan industriala oso modu atseginean ezagutzeko aukera emango duen ibilbide baten bidez. Horretarako, parte-hartzaileek hainbat gune estrategiko ezagutuko dituzte, hala nola, Labe Garaia, Ikastunen Eskola, La Navalera sartzeko pasabidea, Sorospen Gela, Txabarri kalea, langileetxebizitzen taldeak, Iberia kalea eta udalerriko beste eremu batzuk, hamarkadetan zehar beren historia eratzen joan direnak.

Bigarren aukera Labe Garaia bisitatzea da, baina oraingoz ez dago monumentura igotzeko aukerarik. Bisita honetan Labearen ezaugarriak azaltzen dira, Bizkaiko Labe Garaiak enpresak udalerriaren eta eskualdearen historian izan zuen garrantzia, eta gaur egun berreskuratzeko eta balioa emateko egiten ari diren zaharberritze lanak.

Bisita gidatuez gozatu nahi duten guztiek Turismo Bulegora (944 07 09 85) edo Labe Garaiko Bisitariak Hartzeko Zentrora (944 07 03 84) deituz erreserbatu dezakete plaza. Halaber, mezu elektroniko bat bidal dezakete visit@sestao.eus​ helbidera.