Sestaoko Udaleko Kultura Saila azken ukituak ematen ari zaio aurten martxoaren 7an, 8an eta 9an ospatuko diren Inauterietako jaien programazioari. Hala ere, gai asko dagoeneko itxita daude eta horietako bat Chimo Bayo musikariak emanaldia da, martxoaren 7an, ostirala.

Dj famatuak, 80ko eta 90eko hamarkadetan milaka gazte Valentziako diskoteketara musika elektronikoaz gozatzera erakarri zituen "Ruta del Bakalao" izenekoaren ikonoetako batek, hasiera emango die jai ezagun eta parte-hartzaile hauei.

Hala, "Así me gusta a mí", "La tía Enriqueta", "Bombas" edo "Extasí" arrakastatsuen egilea San Pedro plazan arituko da martxoaren 7an, ostirala, 22:00etatik aurrera.

Emanaldi honen bidez, Sestaoko Udalak eutsi egin dio azken urteetako proposamenari: inauterietako jaietako lehen eguna musika-emanaldi batekin animatzea. King Africa eta Zapato Veloz izan dira aurreko urteetan egun horretan aritu diren taldeetako batzuk.