Kultura, Memoria Historiko eta Herritarren Partaidetzako zinegotzi Carlos García de Andoinek Sestaoko Nazioarteko Txotxongilo Jaialdiaren 37. edizioaren programazioa aurkeztu du gaur. Larunbat honetan hasiko da, azaroaren 23an, eta abenduaren 1era arte iraungo du.

Txotxongiloen Nazioarteko Jaialdia Sestaoko Udalak urtean zehar antolatzen duen kultur programarik luzeena da. Programazioa batez ere haurrei zuzenduta dago, baina aukera ona ere bada antzezlanez familian gozatzea. Aurten ere, antzerki-proposamenek testu klasikoez gozatzeko aukera emango digute, eta beste emanaldi modernoago eta berritzaileagoekin nahastuko dira. Ohi bezala, Sestaoko Nazioarteko Txotxongilo Jaialdiak Tolosako Titirijai Txotxongilo Jaialdiarekin bat egingo du, eta karteldegiko ikuskizunetako batzuk partekatuko ditu.

Beraz, bederatzi eguneko jaialdia izango da, eta bederatzi txotxongilo emanaldi ezberdin ikusteko aukera izango dugu. Musika Eskolako Ekitaldi Aretoko agertokitik Katalunia, Madril, Andaluzia, Gaztela eta Leon, Italia, Frantzia eta Euskadiko konpainiak igaroko dira, gehienak txotxongiloen munduan ezagutza zabala dutenak eta egindako lanagatik sari eta aitortza garrantzitsuak jaso dituztenak. Programatutako bederatzi lanetatik bost gaztelaniaz izango dira, bi euskaraz eta beste bi mutuak.

Sarreren prezioa aurten ez da igoko, eta 5 euroko prezioari eutsiko diote, ahalik eta publiko zabalenarentzat eskuragarri izateko. Musika Eskolako txartel-leihatilan erosi ahal izango dira eguneko emanaldirako sarrerak hurrengo egunerakoak. Larunbat eta igandeetan saio bikoitza izango da 17:00etan eta 18:30ean; astelehenetik ostiralera, berriz, emanaldi bakarra izango da eta 19:00etan hasiko da.

Programazioa aurkezteko Musika Eskolan egin den prentsaurrekoan, Garcia de Andoinek gogorarazi du Nazioarteko Txotxongilo Jaialdia "espero izaten den ekitaldia" dela, "herrian tradizio handia duena", eta horregatik "aurtengo nobedadeak aurkezteko ilusioa dugu". Garrantzitsuenetako bat da programatutako bederatzi ikuskizunetatik hirutan txotxongiloen eta artista titiriteroen arteko talka gertatuko dela. "Panpinek antzerkiaren boterea hartu nahi izango dute edizio honetan, eta jokoaren jabea nor den argi utzi nahi izango dute", azaldu du zinegotziak.

Programatutako funtzioak honako​ hauek dira:

• Azaroaren 23an, larunbata – El fantasma mentiroso, El cau de l 'Unicorn konpainiarena (Bartzelona).
• Azaroak 24, igandea – La princesa y el dragón, Sol y Tierra konpainiarena (Madril).
• Azaroaren 25ean, astelehena – Tutankamon el niño faraón, Teatro Mutis (Segovia) konpainiaren eskutik.
• Azaroak 26, asteartea – Proto txikia, Di Filipo konpainiarena (Italia).
• Azaroak 27, asteazkena – Gure kanoa, Zurrunka Teatroa konpainiarena (Araba).
• Azaroaren 28an, osteguna – El secreto del hombre más fuerte del mundo, Cara Cartón konpainiarena (Sevilla).
• Azaroak 29, ostirala – Peio eta Otsoa, Etcétera konpainiakoa (Granada).
• Azaroak 30, larunbata – Tres historias cortas, L 'Alinea konpainiarena (Frantzia).
• Abenduak 1, igandea – Papirus, Xirriquiteula Teatre konpainiarena (Badalona).