Mugikortasunaren Europako Astea eta Autorik Gabeko Eguna dela eta, irailaren 22an, igandea, hainbat jarduera antolatuko dira herritarrak garraiobide iraunkorrak erabiltzearen onurei buruz sentsibilizatzeko eta mugikortasun aktiboaren, garraio publikoaren edo konponbide garbiago, seguruago eta eraginkorragoen aldeko jokabide-aldaketa sustatzeko.

"Espazio Publiko Partekatua" lelopean, aurtengo edizioak gure hiri-espazioak berriro diseinatzeko beharra azpimarratu nahi du, modu seguruan gozatu eta erabili ahal izateko, bai gure mugikortasun indibidualerako, bai interakzio sozialerako, Arrate Azkarate Mugikortasun eta Garraio zinegotziak prentsaurrekoan azaldu duenez.

Horrela, Sestaoko Udalak hainbat jarduera antolatu ditu Las Llanas Zumarkalean, eta horretarako 9:00etatik 21:00etara itxita egongo da:

• Familiaren bizikleta-martxa - 11:00

Jende guztiarentzako bizikleta martxa, Castaños eraikinetik irtenda, Vicente Blasco Ibañez, Kale Nagusia, Rivas, Txabarri, Aizpuru kaleetatik igarota eta azken buelta Vicente Blasco Ibañez eta Kale Nagusitik igarota.

Parte-hartzaile bakoitzak bere bizikleta eraman beharko du eta 16 urtetik beherakoek kaskoa eraman beharko dute nahitaez. Halaber, 14 urtetik beherako pertsonek legezko tutore batekin joan behar dute.

• Puzgarriak eta haurrentzako jarduerak - 11:00-14:30 eta 16:30-18:30
• Oztopoen zirkuitua – 12:00-14:30 eta 16:30-18:30

Zatoz zure bizikleta, patin edo patinetearekin eta parte hartu!

• Zumba klasea – 12:30-13: 30

Autorik Gabeko Eguna dela eta, igandean Las Llanas Zumarkaleko autobus-geltokia kenduko da, eta hilerriko biribilgunera eramango da. Autobusek Jaureguibeitiako bidea egingo dute.