SESTAO

Prentsa Aretoa

2024/06/04

Txitxarriloen denboraldia larunbatean hasi eta 16 dantza-saio programatuko ditu urrira arte

Saioak larunbat arratsaldeetan egingo dira Kasko plazan edo, euria egiten badu, San Pedro plazan

rss Ezagutzera eman
Txitxarriloen denboraldia larunbatean hasi eta 16 dantza-saio programatuko ditu urrira arte

ARGAZKIA JAITSI

Carlos García de Andoin Kultura-zinegotziak Sestaoko Udalak aurtengo udarako antolatuko duen txitxarrillo denboraldi berria aurkeztu du gaur goizean. Ekainaren 8tik urriaren 12ra bitartean, 16 dantza- saio egingo dira, Los Palmeras, Amigos del Swing, Dantza Alai, Pergola eta Galea orkestrek girotuak.

Txitxarriloak larunbatetan izango dira, arratsaldeko 6etatik 9etara, Kasko plazan. Euria egiten badu, dantzaldia San Pedro plazara eramango da, hango estalkiak eguraldi txarretik babesteko. Kasko plazako kioskoan egin duen prentsaurrekoan, dantza-saio horiek adinekoei dakarzkieten onurak gogorarazi ditu García de Andoinek. Kolektibo horrek modu aktiboagoan parte hartzen baitu Kultura Sailak antolatutako programa honetan: "Txitxarriloek gure adinekoen aisialdia, jarduera fisikoa eta zahartze aktiboa sustatzen dituzte, baita adinekoen arteko gizarte-harremanak ere, hirugarren adinekoen bakardade arriskua saihesten laguntzen baitute", azaldu du zinegotziak.

Amaitzeko, García de Andoinek bere nahia adierazi du: "adinekoek programazio honetaz gozatzea eta horri esker uda entretenigarria izatea".

DANTZA-SAIOEN EGUTEGIA

  • Ekainaren 8 eta 15a
  • Uztailaren 13, 20 eta 27a
  • Abuztuaren 3, 10, 17, 24 eta 30a
  • Irailaren 7, 14, 21 eta 28a
  • Urriaren 5 eta 12a
Next Euskadi