Sestaoko Udalak jakinarazi duenez, gazteei emantzipatzen laguntzeko zerbitzuak urriaren 23an, astelehena, berriz ere lanari ekingo dio Gazteentzako Informazio Zentroaren bulegoetan (Iberia kalea z/g).

Horrela, programak aurrez aurreko arreta emango du astean bi egunetan (astelehen eta asteazkenetan, 16:30etik 19:30era). Whatsapp aplikazioaren bidezko kontsultak, aldiz, edozein unetan egin ahal izango dira 747 47 54 22 telefono-zenbakian.

Baliabide horren bidez, Gazteria Arloak honako zerbitzu-multzo hau eskainiko die gazteei:

• Enplegua bilatzeko aholkularitza.
• Ekintzailetzarako laguntza.
• Prestakuntzarako orientazioa.
• Egoitza-emantzipaziorako eskuragarri dauden informazioa eta baliabideak lortzeko laguntza.
• Mugikortasun- eta itzulera-prozesuetarako laguntza.
• Gizarteratzeko eta gizarte-bazterketa saihesteko arreta.
• Kontziliazio-baliabideak.