Sestaoko Udalak datozen asteetan hasiko ditu Las Llanas Kiroldegiko galdara-aretoa birmoldatzeko lanak. Jarduera honen helburua da egungo instalazioa erabat berritzea, gas naturalarekin funtzionatuko duen galdara-gela berri bihurtzeko.

Leire Fernandez Obretako zinegotziak azaldu duenez, proiektu hau udalaren kirol-instalazioak modernizatzeko programaren barruan kokatzen da, eta kasu honetan oso beharrezkoa da, gaur egungo ekipoak zaharrak eta eraginkortasun gutxikoak izateaz gain, azken hilabeteetan arazoak sortzen ari direlako, etengabe matxurak dituztelako eta merkatuan pieza gutxi daudelako konponketak egiteko.

Las Llanas Kiroldegiko galdara-gela 1977. urtekoa da, eta C gasolioarekin funtzionatzen duten bi gailuk osatzen dute. Jarduera horrek esparru osoa modernizatuko du, indarrean dauden arauetara egokitzeko, eta gas naturaleko bi galdara jarriko dira. Horrek energia-eraginkortasun handiagoa eta ingurumen-hobekuntza ekarriko ditu berekin.

Lanak Tecman enpresari esleitu zaizkio, 248.289,98 eurotan.