Ibarzaharra Poligonoaren hirigintza-diseinuaren beste mugarri bat. Sestaoko Udalak obra-lizentzia sinatu du 3,5 milioitik gorako inbertsio ekonomikoa eragingo duen hotel bat eraikitzeko. Establezimenduak izar biko kategoria izango du 105 gela gehituko dizkio eskualdeko hotelen eskaintzari.

Errealitatea da, dagoeneko, Babcock & Wilcoxeko instalazioetako 200.000 metro karratuko lur-sail antzu eta kutsatu baten birgaitzea. Urbanizazio lanak oso aurreratuta daude, konplexu horretarako errepide-sarbideak duela egun batzuk irekita daude eta lehen enpresa-proiektuak gauzatzen hasi dira.

COSTCOk, Udalaren jarduera-lizentzia eskuratuta, abenduan zabalduko dio saltokia publikoari. Aldi berean, beste enpresa batzuk ezartzeko lanak aurrera segitzen du eta, horietako bat, Udalaren oniritzia astelehenean jaso zuen hotel-establezimendua da. Lanak datorren astean hasiko dira, 2023ko udaberri edo udan jendeari zabaltzeko helburuarekin.

Establezimendua Allende Ihitokia Bulebarrean dagoen 1.319 metro karratuko lur-sail batean eraikiko da. Errakinak sei solairu izango ditu, behekoa barne. 105 gela izango ditu: 11 banako, 74 bikoitz-estandar, 16 goi mailako bikoitz-estandar eta 4 mugikortasun-arazoak dituzten pertsonentzat egokituak. Hotelak, beraz, aldi berean gehienez 199 laguni eman ahalko die ostatu.

Beheko solairuan, atondoaz eta harrera-guneaz gain, egongelak, bilera-gelak, taberna, jantokia, sukaldea, biltegiak, komunak, zuzendaritzaren eta administrazio langileen bulegoak eta plantillaren aldagelak egongo dira. Beheko solairuaren gainetik beste bost egongo dira. Bakoitzak 21 gela izango ditu; eta, azkenik, terraza egongo da, aisialdi-jarduerak egiteko aukera emango duena.

Arreko ezaugarri horiez gain, eraikinak, barruan eta inguruan, 29 aparkaleku-plaza izango ditu.

Hotel hau eraikitzea aurrerapausoa izango da Sestao eta Trapagaran udalerrietako Ibarzaharra Poligonoren garapenerako. Lur-saila erosi eta hirigintza-eremu hori sustatzen duen enpresak lanean jarraitzen du beste enpresa-proiektu batzuk bertan ezartzeko.