Sestaoko Udalak 2022. urtean zergak, tasak eta prezio publikoak izoztuko ditu “pandemiak sortutako krisiaren ondoren familien eta enpresen susperraldi ekonomiko eta sozialari laguntzeko”, Ainhoa Basabe udalerriko alkateak azaldutakoari jarraikiz.

Erabaki hau dela bide, herritarren ekonomian zuzeneko eragina duten zerga, tasa eta prezio publiko gehienak, hala nola OHZa, zaborra, estolderia, kiroldegiak, garaje-partzelak, hilerria, udal-egoitza, etxeko laguntza-zerbitzua, etab., izoztuta geldituko dira bigarren urtez ondoz ondo.

Era berean, hurrengo urterako ordenantza fiskaletako hobari guztiak mantenduko dira.