Sestaoko Udalak Kaiku etorbideko horma egonkortu eta konpontzeko obrak hasi ditu. Bost hilabetetan egingo dira eta 618.000 euro gastatuko dira.

Ainhoa Basabe alkateak prentsaurrekoan azaldutakoaren arabera, lanekin kalean agertu diren kalean azaldu diren segurtasun-arazoak konpontzen saiatuko dira hala nola pitzadurak, arrailak eta lursailak behera egin duelako espaloi baten tartean lur-jotzea.

Egoera arriskutsua denez, espaloia oinezkoentzat itxita dago, zirkulaziorako errei batekin batera. Hala, semaforoa erabiliz, ibilgailuak txandakatuta igarotzen dira.

Ainhoa Basaberen esanetan, jarduketa oso garrantzitsua da bi arrazoirengatik: “Lehenik eta behin, kalea gehiago ez lur-jotzeko eta egoera larriago eta arriskutsuagora ez iristeko. Hala gertatuko balitz, errepidea trafikoari moztu beharko litzaioke eta La Puntako etxebizitzak errepidez isolatuta geldituko lirateke. Bigarrenez, Eusko Jaurlaritzarekin elkarlanean, La Puntako hedapen- eremua hirigintzaren ikuspegitik garatzen jarraitzeko. Hala, etxebizitzen bi eraikin berri egingo dira egungoen ondoan”.

Leire Fernández Obra eta Zerbitzuetako zinegotziak azaldutakoaren arabera, hormaren egonkortasunik eza zuzentzeko eta segurtasun handiagoa emateko proposatutako konponbidean gutxi gorabehera 160 metroko luzeran ainguraketa eta habeen sistema instalatuko da.

Zinegotziak adierazi du obrak hurrengo modu honetan egingo direla: “Lehendabizi, sistema berria eraikiko da euri-urak biltzeko. Horrez gain, aldi baterako espaloia egingo da lanek dirauten bitartean bazterbidearen beste aldean oinezkoentzako zirkulazioak errazteko. Ondoren, horma eta lur-jotako espaloiaren tartea berreraikiko da. Era berean, argiteria publikorako, telefonia- lineetarako eta elektrizitaterako kanalizazio berria instalatuko da”.

Galindo ibaiaren bokalean, La Punta hirigintzaren ikuspegitik udalerria hedatzeko eremu nagusi bat da. Eusko Jaurlaritzak 163 etxebizitza eraiki ditu Udalak lagatako partzela batean, eta iragarri du hurrengo urtean beste 180 etxebizitzen eraikuntza kontratatuko duela. Kaleko tarte hau konpontzeari esker, pastilla garatzen jarraituko da.