Sestaoko Udalak Covid-19aren krisia hasi denetik abian jarri dituen ekintza guztiak dosier batean jaso eta web orrian argitaratu ditu herritarrei horren berri emateko.

Dokumentu hau aldiro eguneratuko da Udalak datozen hilabeteetan hartzen dituen neurri berriak bertan jasotzeko. Apirilaren 30era arte 80 ekintza burutu dira, aparte geratzen dira Juan Ellacuría Udal Egoitzari dagozkionak, informazio hori datu guztiak daudenean jasoko baita.

Gorka Alvarez Gobernu Taldearen bozeramailearen esanetan, dosier honek agerian uzten du “udalaren atal guztien aldetik azken asteotan izan diren erronkei erantzuteko egiten ari den ahalegina eta lana, zenbait kasutan baldintza zailetan, eta beraz eskertzekoa da une zail hauetan langileen aldetik egon den erantzuna”.