Sestaoko Udalak aparteko 180.000 euroko diru funtsa sortu du Alarma Egoeraren ondorioz jarduera eten behar izan duten denda, ostalaritza eta autonomoei laguntzeko.
 
Itzuli beharrik gabeko diru-laguntza programa izango da, eta Sestaon egoitza fiskala duten txikizkako merkataritza eta ostalaritzari eta halaber autonomoei zuzenduta egongo da.
 
Programa honen bidez Udalak gehienez ere 600 euroko diru-laguntza emango dio eskatzaile bakoitzari eta denda eta ostalaritzari dagokionez establezimenduari ezarriko zaio.
 
Udalak emandako diru-laguntza hauek bateragarriak dira bestelako administrazioek profesional hauei eman diezazkiekeen diru-laguntzekin.
 
Programa hau egituratzen duen dekretua datozen egunotan argitaratuko da Bizkaiko Aldizkari Ofizialean. Argitaratzen den egunetik 7 eguneko epea irekiko da interesa duten guztiek euren eskabideak aurkezteko. Udalak bere web orriaren eta sare sozialen bidez jakinaraziko du eskabideak aurkezteko epea. Diru-laguntza eskabideak egiteko epea amaitu ondoren emango da.
 
Denda, ostalaritza eta autonomoentzako diru-laguntza programa hau Sestaoko Udalak kolektibo hauei laguntzeko jarriko duen lehen neurria da. Datozen hilabeteetan zehar, eta jarduera berriro hasita, ekimen berriak bideratzeko aukera aztertuko da.