SESTAO

Prentsa Aretoa

2019/09/05

Berdintasun Arloak emakumeen ahalduntzerako eta prestakuntza feministarako eskola baten sorrera bultzatzen du

Udalak eskaintzen zituen ahalduntze-tailerretatik sortutako programa berri horren barruan hamahiru tailer eta doako hainbat jarduera eskainiko dira urteko azken hiruhilekoan

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Berdintasun Arloak aurtengo azken hiruhilekoan emakumeen ahalduntzerako eta prestakuntza feministarako eskola bat abian jarriko du. Arlo horrek berak azken urteotan antolatu dituen ahalduntze-ikastaroetatik sortu da berritutako programa hori, baina Berdintasun Arloak bultzada berria eman nahi dio, eta horretatik aldatu da izendapena. 

Ahalduntze-eskolaren helburua da, alde batetik, adin guztietako emakumeen ahalduntze indibidual zein kolektiborako bidea emango duen partaidetzako, topaketako eta gogoetako gunea eskaintzea eta, bestetik, azterketa eta prestakuntza feministarako gune irekia eskura jartzea, herritar guztiak sentsibilizatzeko eta herritar horiek konpromiso aktiboa hartzeko, bereziki gizonez ari garela, emakumeen giza eskubideen alde. 

Ahalduntze-eskola indartzea, Udalaren Osoko Bilkurak 2016ko abenduan onartutako III. Berdintasun Planean hartu zuen konpromisoa da. Horregatik, urritik abendura bitarteko hilabeteetarako aurreikusita dagoen programazioan tailerren eta doako jardueren sorta zabala sartzen da, hainbat gai jorratzen direla: komunikazioa, norberaren zainketa, sexualitatea, enplegua, indarkeria matxista, edertasunaren eredu hegemonikoa, harremanak, maskulinitate berriak… gainera, biztanleriaren sektore diferenteak izan dira xede: emakume guztientzat irekitako tailerrak, berariaz emakume gazteentzat prestatutako tailerrak, adineko emakumeentzat, gizonentzat zein gizonezko eta emakumezko hezitzaileentzat prestatutakoak, herritar guztientzako jarduerak eta abar.

Izena emateko epea irailaren 9tik 20ra egongo da irekita Berdintasun Arloan (Castaños Eraikineko hirugarren solairua), empoderamiento@sestao.eus posta elektronikoko helbidean eta 94 472 90 37 telefono-zenbakian

Next Euskadi