Sestaoko Udalak zerbitzu berri bat jarri du martxan kiroldegira joan beharrik gabe espazioak alokatu ahal izateko. Tresna hau pasa den astean jarri zen abian kiroldegien erabiltzaileak Sestao Kirolak bulegoetara joan beharrik gabe pistak alokatu ahal izateko.

Aplikazio hau eskuratzeko www.sestao.net web orrian sartu eta han goiko aldeko eskuinaldean dagoen “Reserva online de las instalaciones deportivas municipales” bannerrean klikatu behar da. Horrela, sistemak atari batera bidaliko du erabiltzailea, eta han Nortasun Agiri Nazionala eta Las Llanas kiroldegiko bulegoetan banatzen den PIN-a sartuta, bederatzi instalazio alokatzeko aukera eskaintze du.

Honako hauek dira aloka daitezkeen espazioak: Las Llanas pilotalekua, bainu turkiarra, sauna eta kirol pista Las Llanas kiroldegian, eta azkenik, kanpoko pista, kirol pista, sauna eta squash pista La Benedicta kiroldegian.

Gorka Egia, Teknologia Berrien zinegotziaren esanetan “neurri hau legealdi honetan Udala herritarrengana hurbiltzeko aurrera eramaten ari garen jardueren barruan sartu behar da, esaterako tramiteak udalaren web orriaren bidez egiteko aukera". Egiak gogora honako hau ekarri du gogora "pertsona guztiek ez dute astirik udalaren zerbitzuetara hurbiltzeko publikoari arreta emateko ordutegian, horregatik urratsak ematen jarraitu behar dugu pertsona horiek Udalarekin egin behar dituzten gestioak euren etxetik edo lantokitik eguneko 24 orduetan eta urteko 365 egunetan egin ahal izateko".