Sestaoko Udalak lehiaketara atera ditu Autonomia kalea eraberritzeko lanak, Concepción Arenal eta Marcos Grijalvo kaleen arteko zatian, 531.000 euroko kostuarekin. Obra hauek 150 metroko tartean burutuko dira, eta bati-bat egingo dena izango da zerbitzuen lurpeko sareak berritu, espaloiak berregin oztopo arkitektonikoak ezabatzeko eta espaloia berriro asfaltatu. Lanak irailaren amaiera aldera hastea espero da, eta 2015eko lehen hiruhilekoan amaituta egotea.

Obra eta Zerbitzuen zinegotzi Leire Fernandezen esanetan obra hauek "oso beharrezkoak" ziren, izan ere Autonomia kaleak aldapa nahiko handia du eta espaloiak denborarekin gastatuta daude, eta ondorioz zenbait erorketa ere izan dira". Zinegotziak gogora ekarri duenez, aurreko agintaldietan "unean uneko zenbait konponketa egin ziren arazo horiek konpontzeko, baina azkenean ez ziren erabateko konponketak izan. Egia da kalea osorik eraberritu behar zela, eta horixe da orain egingo duguna".