Galindoko futbol-zelaiak eta Las Llanas frontoia birgaitu ondoren, Sestaoko Udalak udal kirol instalazioak modernizatzeko helburuarekin jarraitzen du.

Zehazki, Sestao Kirolak Las Llanas eta La Benedicta kiroldegietako teilatuen egoerari buruzko txosten tekniko bat eskatu du, bi ekipamenduetako estalkiek ur-iragazketak baitituzte.

Aurreproiektu hori datozen asteetan egingo da, eta bertan zehaztuko dira patologien jatorria, arazo horri aurre egiteko egin daitezkeen konponbideak eta obrek izan dezaketen gutxi gorabeherako kostuaren balorazio ekonomikoa.

Neurri horrekin, bi teilatuen erreformari buruzko erabakiak hartzeko lagungarria izango zaion informazioa bildu nahi du Gobernu Taldeak, udal-arloak dagoeneko hasiak baitira 2026ko ekitaldirako udal-aurrekontua planifikatzen.