Sestaoko Udalak kolore moreko seinaleak jarri ditu udalerriko sarreratan "Sestaok es du eraso sexistarik onartzen / Sestao no tolera las agresiones machistas” mezuarekin, genero indarkeriarekin bukatu beharraz kontzientziarazteko herritarrak. Hain zuzen ere bost plaka jarri dira, Txabarri, Rivas, Galindo Bidea, Las Llanas Zumarkalea eta Andres Jaureguibeitia kaleetako sarbideetan.

Udal talde sozialistak egin zuen seinale hauek jartzeko proposamena, 2019ko azaroan, eta urte honetan zehar EAJren udal gobernu taldearekin adostu dute ekimena burutzea.

Ekimen hori Sestaoko Udalaren III Berdintasun Planean jasotako ekintza bat da, hain zuzen ere 1. Helburu estrategikoan, herritarrak indarkeria matxistaren aurka inplikatzea alegia.