Udalak Karmengo Amaren Auzuneko K Blokean egindako obrak amaitu ditu ur-hornidura sarea modernizatzeko hodi berriak jarriz eta espaloiak berriro zolatuta.
 
Jarduketa hau edateko ura banatzeko Bigarren Mailako Sarearen Udaleko Berraztertze Planaren barruan sartuta dago. Ur Partzuergoarekin elkarlanean garatzen den programa honen helburua udalerriko ur-horniduraren hodi zaharrenak berritzea da, akatsen bat dutelako edo helburu horrekin dagoeneko erabiltzen ez diren materialak direlako, zerbitzu egoki baten kalterako baitira.
 
Kasu honetan fibrozementuzko hoditeria zaharraren ordez fundizioko harikor bat jarri da, eta espaloietan harrizko losak kendu eta granitozkoak  jarri dira.
 
Horlasa enpresak egindako lanak 2020ko urte hasieran hasi ziren egiten eta pasa den astean amaitu dira 70.000 euroko inbertsioarekin.