Sestaoko udalak, Barakaldo Sahararekin –“Salam”– elkarteak egindako eskariari jaramon eginez, aurten ere Sahararen aldeko euskal karabana: itxaropena elikatu proiektuarekin bat egingo du.

Hala, Udalak edukiontziak instalatuko ditu ikastetxeetan eta udal eraikinetan, Saharako errefuxiatuen kanpamenduetarako elikagaiak biltzeko.

Kaiola horiek urtarrilaren 27tik (astelehena) 31ra (ostirala) egongo dira jarrita. Bertan paketeak utzi ahalko dira: arroza, lekaleak, pasta, hegaluzea oliotan, sardinak oliotan, azukrea eta konpresak.

Sestaon biltzen diren produktu guztiak Sahararen aldeko XVI. karabanari gehituko zaizkio. Karabana hori gutxi barru Euskaditik irtengo da Tindufeko (Aljeria) errefuxiatuen kanpamenduetara, premia bizikoondasun horiek ahal den neurrian biztanleria horrek gaur egun elikagaien aldetik bizi duen krisi larria arinduko dutelakoan.

Udalekook herritarrei dei egiten diegu proiektu horretan laguntzeko, familia bakoitzak dauzkan aukeren barruan.