Sestao Kirolak Udal Zerbitzuak kirol campus bat antolatuko du udan zehar familiak bizitza familiarra eta lan arlokoa kontziliatzen laguntzeko, udalerriko gazteen arteko harremanei laguntzeko eta jarduera fisikoaren bidez bizitza osasuntsu eta osasungarria sustatzeko.

Programa hau 4 eta 16 urte bitarteko haurrei begira egin da. La Benedicta Udal Kiroldegian garatuko da uztailaren 2tik abuztuaren 10era bitartean guztira sei asteko jarduera eskainiz. Campusa zabalik egongo da 9:30etik 14:00etara; hala eta guztiz ere Sestao Kirolak familiei sarrera 9:00etara aurreratzeko aukera eskainiko die eta irteera 14:30era luzatzea, eta baita instalazioetan bazkaltzekoa ere 15:30ean amaitzeko.

Campusak ur eta lurreko jarduerak izango ditu eta jolasak, dantzak, igeritokia eta bestelako kirol jarduerak ingurua ezagutzeko txangoekin tartekatuko ditu.

Maiatzaren 10ean ireki zen izena emateko epea Las Llanas Udal Kiroldegian eta maiatzaren 31n itxiko da. Campuseko matrikulazioa asteka egingo da eta oinarrizko prezioa 43 eta 72,50 euro tartekoa izango da, aste bakoitzak dituen egun baliodun eta izena ematen duena Sestao Kirolak zerbitzuaren bazkidea den ala ez kontuan hartuta.

Iaz batez besteko 65 neska-mutilek parte hartu zuen asteko, eta aurten ere kopuru hori errepikatzea espero da. Hasera batean, ez da plaza mugarik jarri eta eskabide guztiei erantzutea espero da.

Kirol Eskolak

Sestao Kirolak jakinarazi du Kirol Eskoletan izena emateko epea zabalik dagoela 2018-2019 denboraldirako. Programa horren helburua Sestaoko gazteak kirol jarduera egiten hastea da, modalitate bat ezagutu eta espezializatzeko aukera emanez.

Datorren kanpainari begira dantza moderno eskola desagertuko da baina beste 24 modalitate mantentzen dira ikasturte osoan zehar jarduera fisiko erregularra eta arautua egin ahal izateko. 24 kirol eskola hauen artean, batzuk Sestao Kirolak berak kudeatzen ditu zuzenean eta gainerakoak udalerriko taldeek zuzentzen dituzte Udal Kirol Zerbitzuarekin duten hitzarmenaren bitartez.

2018/2019 ikasturtean zehar eskainiko diren kirol eskolak honako hauek izango dira: Psikomotrizitatea, generikoa, kiroldegikoa, atletismoa, waterpoloa, boxeoa, taekwondoa, triatloia, aerobica, futbola, gimnasia erritmikoa, boleibola, kendoa, aikidoa, igeriketa, irristaketa, eskubaloia, arrauna, aretoko futbola, igeriketa sinkronizatua, pilota, tenisa, xakea eta eskubaloia.

Denboraldi honetan kirol eskolek 1.748 plaza eskaini dituzte guztira eta horietatik 1.200 inguru beteta daude. Datorren kanpainari begira, Udal Kirol Zerbitzuak espero du kopuruak antzekoak izatea, nahiz eta oraindik ere eskaera ezagutzeko zain dagoen izena eman ahal izango dutenen kopuru osoa jakiteko.

Maiatzaren 18a arte zabalik egongo da kirol hastapeneko eskolara joan direnek (psikomotrizitatea, generikoa eta kiroldegikoa) datorren ikasturteko plaza berresteko, eta ekainaren 1etik 7ra zabalik egongo da izen emate berriak egiteko.

Gainerako eskolei dagokionean, maiatzaren 31ra arte zabalik egongo da plaza berresteko eta ekainaren 1etik 15era izen emate berrien txanda izango da.