Sestaoko Udalak 50.000 euroko inbertsioa egingo du Aizpuru eta Triano kaleen arteko bidegurutzean traba arkitektonikoak kentzeko. Pasa den astean hasi zen obrarekin zati hori hobetu nahi da, horretarako lehen zeuden eskailerak kendu eta espaloia zabaldu egingo da eta mugikortasun urritua duten pertsonek biraketa arazorik gabe egiteko aukera izango dute.

Leire Fernández Obra eta Zerbitzuetako zinegotziak azaldu du obra hau auzokoek bidegurutzeari irisgarritasuna emateko gobernu taldeari egindako eskabidea izan dela, eta ondoren Alderdi Sozialistaren instantzia bat ere egon dela. “Inguru horretan bizi diren zenbait herritarrek ohartarazi ziguten zati horretan zeuden eragozpenez, eta hori dela eta 2014 urterako aurrekontuetan diru-partida bat sartu genuen obra hori egiteko” esan du zinegotziak.