Udalak herriko etxe guztietara bidaliko du arriskugarriak diren egoeretan herritarrek erabili beharreko pautak eta gomendioak jasotzen dituen aldizkaria. Guztira 15.000 ale editatu ditu eta aste honetan bertan banatzen hasi dira.

Herriko alkateak, Josu Bergarak, azaldu du argitalpen honek izaera prebentiboa duela, alegia, "kontua da herritarrei modu erraz batean har daitezkeen neurri xumeak gogoraraztea da ezustekoren bat saihesten laguntzeko".

Udalak halako ezaugarriak dituen agiri bat bidaltzen duen lehen aldia da. Alkatearen iritziz “garrantzizkoa da segurtasuna lantzen jarraitzea Sestao seguru, lasai eta baketsuagoa lortzeko”. Horregatik, herritarrei dei egiten die gomendio hauek abian jar ditzan.