Larunbatean hamar herritako 30 elkarteko 400 emakumek hartuko dute parte Udalak, Villar Garbiketa enpresaren eta Euskaltelen laguntzarekin, antolatzen duen Ezkerraldeko, Meatzaldeko eta Enkarterrietako Emakumeen Elkarteen VIII.Topagunean.

Flori Nuñez Gizarte Ekintzako zinegotziaren esanetan, Udalak aurtengo edizioarako duen asmoa hauxe da, “ emakumeen elkarteek, zeinek bere herrian egiten duen lana, festa giroan partekatu eta ikusarazteko eta Sestaon emakumeen ahalduntzea eta berdintasunaren egiten ari den lana indartzeko aukera izatea”.

Ekimen honek bilgunea izateko aukera ematen die elkarteei, bertan egiten duten lana ezagutarazteko eta etorkizunean aliantza berriak egiteari begira euren arteko harremanak egiteko.

Honako udalerri hauek baieztatu dute parte-hartzea: Abanto, Balmaseda, Barakaldo, Karrantza, Lanestosa, Ortuella, Portugalete, Santurtzi, Sestao eta Trapagaran.