Aldaketa horrekin Sestaok iraunkortasunaren eta ingurumenaren aldeko apustua sendotu du. Edukiontzi berriak birziklapenaren eremuan aukera handiagoak eskaintzen ditu, jantziez eta oinetakoez gain, lanparak, telefono mugikorrak, jostailuak, peluxeak, aparatu informatikoak, irratiak... bota ahal izango baitira. Laburbilduz, “jada erabiltzen ez ditugun edo erabilgarriak ez diren artikulu ugari eta askotan zabor-edukiontzi arruntean amaitzen dutenak".

Edukiontzi berriak zuriak dira eta honako tokietan banatuak daude: Los Tres Concejos plazan, Triano kalean, Gran Vían, San Pedro plazan eta Félix María Samaniego nahiz Kueto kaleetan. Udalak bitartekoen erabilera hobetzen eta hondakinen sorrera saihesten, baita gizartearekiko kontsumo iraunkorra eskaintzen ere laguntzea espero du.  Etxetresna elektriko eta artikulu handiagoak Garbigunean uzten jarraitu beharko dira. Hori Vega Nueva kalean dago, hain zuzen ere, Galindoko hondakin-uren araztegirako sarreraren ondoan.

Edukiontzi berri horien instalazioak Udalean ez du kostu erantsirik izango.

Sestaorekin batera, Getxo, Santurtzi, Sopela, Urduliz, Plentzia, Gorliz, Barrika, Berango eta Lemoiz bezalako udalerriak bilketa-sistema berri eta aitzindarira erantsi dira.